Znajści
Ałharytmičny łacinski varyjant
29.05.2024 / 20:4317RusŁacBieł

Valer Kavaleŭski prakamientavaŭ rasśledavańnie BRC, datyčnaje prajekta pašparta Novaj Biełarusi

Pradstaŭnik pa zamiežnych spravach Abjadnanaha pierachodnaha kabinieta Valer Kavaleŭski daŭ kamientar z nahody rasśledavańnia Biełaruskaha rasśledavalnickaha centra ab datyčnaści da prajekta pašparta Biełarusi niekatorych sumnieŭnych asob i kampanij i ich mahčymaj suviazi z režymam.

Valer Kavaleŭski

Pavodle słoŭ Kavaleŭskaha, ludzi, jakija pracujuć z prajektam pašparta, nie źbirali nijakich asabistych danych biełarusaŭ, adpaviedna nichto i nie moh atrymać da ich dostup.

Hieraldyčnaja rada na čale ź biznesmienam Mikitam Zabuham, asoba jakoha vyklikała sumnievy ŭ BRC, raspracoŭvała dyzajn pašparta, i heta adzinaje supracoŭnictva, jakoje ź joj było: nijakaha dostupu ci dačynieńnia da pracesu zboru danych biełarusaŭ i vydačy pašpartoŭ jana mieć nie budzie

Litoŭskaja kampanija «Harsu Pasaŭlis» taksama dapamahała ŭ raspracoŭcy dyzajnu dakumienta, kab jon adpaviadaŭ standartam IKAO. Akramia taho, heta kampanija dapamahała z zamovaj śpiecyjalnych materyjałaŭ dla druku pašpartoŭ. Nijakich padstaŭ hetaj kampanii nie daviarać, pavodle słoŭ Kavaleŭskaha, niama. BRC u svaim rasśledavańni źviartaŭ uvahu na toje, što kampanija mieła dziełavyja suviazi z pradpryjemstvam, značnaja dola ŭ jakim naležyć biznesmienu Viktaru Šaŭcovu, źviazanamu ź biełaruskimi ŭładami.

Pry hetym Kavaleŭski padkreślivaje, što

«kančatkovaje rašeńnie ab supracoŭnictvie na ŭsich nastupnych etapach, pačynajučy z druku ŭzoraŭ, budzie prymać užo Pašpartny centr, z abaviazkovaj pravierkaj usich padradčykaŭ i partnioraŭ».

Pry pryjomie i pracy ź piersanalnymi danymi Pašpartny centr budzie kiravacca Ahulnym rehłamientam achovy danych ES (GDPR). Akramia taho, užo zaraz raspracoŭvajucca dadatkovyja ŭłasnyja śpiecpratakoły biaśpieki dla ŭsich etapaŭ piersanalizacyi i vydačy novych nacyjanalnych pašpartoŭ Biełarusi.

Čytajcie taksama:

Kampanija, jakaja prapanoŭvała svaje pasłuhi druku «pašparta Novaj Biełarusi», źviazanaja ź biznesoŭcam, nabližanym da Łukašenki

Machlary sabrali piersanalnyja źviestki tysiač biełarusaŭ zamiežža. Jak tak atrymałasia i pryčym tut pašpart Novaj Biełarusi?

Kavaleŭski adkazaŭ na vosiem haračych pytańniaŭ pra pašpart Novaj Biełarusi

Kavaleŭski raskazaŭ, jak i dzie buduć vydavać pašpart «Novaj Biełarusi»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
25
Панылы сорам
9
Ха-ха
10
Ого
1
Сумна
0
Абуральна
2
0
babrujčanin/adkazać/
30.05.2024
Maksim Dizajnier, Daviedka u kancy 70ch pačatku 80 ch dziakujučy dziejnaści u tym liku " čyrvonych bryhad" adbyŭsia kałaps palityčnaj sistemy Italii.Seryał " Sprut" u dapamohu Štaty pry vysadkie na Sicyliju vymušyny byli mieć spravu z Koza nostra tamu čto nima była z kim ci kamunisty anarchisty ci " bierłuskoni" .. Tvoj kamient da " razśledavacielej" jakim čynam??
2
Viktar/adkazać/
30.05.2024
Pytańnie da S. Ivaškieviča: chto zamoviŭ vam hetaje rasśledavańnie?
0
Šlachcič Zavalnia/adkazać/
30.05.2024
Chopić marudzIć 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930