Biełaruś atrymaje kala miljarda dalaraŭ. MVF zaćvierdziŭ vydaču «suśvietnaha kredyta»
Učora rada kiraŭnikoŭ Mižnarodnaha valutnaha fondu zaćvierdziła raźmierkavańnie 650 miljardaŭ dalaraŭ dla pieraadolvańnia post-kavidnaha kryzisu.
Apazicyja sprabuje pierakanać MVF, što nielha vydzialać dapamohu, pakul va ŭładzie Łukašenka. Srodki ad MVF vydajucca nie čystymi hrašyma, a «čekami», jakija možna abmianiać na piać realnych valut: dalary, jeŭra, juani, funty i jeny.
Adnak pakul z paviedamleńnia MVF nie vynikaje, što Biełaruś budzie pazbaŭlenaja hetych «čekaŭ», havorka idzie ab 950 miljonach dalaraŭ.
«Raźmierkavańnie nabudzie moc 23-ha žniŭnia, my nie pakidajem namahańniaŭ pieraškodzić atrymańniu hetaha «čeka», tym bolš, što ŭ śviecie jość precedenty, takija jak Vieniesueła i Mjanma, dzie ŭrady, jakija nie pryznanyja lehitymnymi, nie atrymlivali hrošy ad MVF», — zajaviŭ «Našaj Nivie» Valeryj Kavaleŭski, pradstaŭnik ofisa Śviatłany Cichanoŭskaj pa mižnarodnych pytańniach, były funkcyjanier Suśvietnaha banka.
