Čarhovaja bujnaja partyja biełaruskich cyharet na miažy: palaki zatrymali hruz na $2,3 młn
Za takuju vialikuju kolkaść kantrabandy cyharet jon moža być pazbaŭleny voli na termin da 10 hadoŭ, piša Polskaje radyjo.
Kantrabanda 600 tysiač pačak cyharet biez polskich akcyznych marak była znojdziena supracoŭnikami Padlašskaj padatkovaj administracyi na pamiežnym pierachodzie ź Biełaruśsiu ŭ Kuźnicy. Nielehalny tavar pieravozili ŭ śpiecyjalnych skryniach, jakija imitujuć paddony z doškami. Košt kantrabandy aceńvaŭsia ŭ 2,3 młn dalaraŭ.
Funkcyjaniery na pamiežnym pierachodzie ŭ Kuźnicy zatrymali hruzavik, jakim kiravaŭ 28-hadovy biełarus, jaki, pavodle dakumientaŭ, pavinien byŭ pieravozić doški. Padčas detalovaj pravierki hruzavika, jakoj papiaredničali renthienaŭskija zdymki, vyśvietliłasia, što ŭ pryčepie, u śpiecyjalna padrychtavanych skryniach, jakija imitujuć paddony z doškami, zachoŭvajecca kantrabanda cyharet. Razhruzka i dakładny padlik zaniali sutki.
Biełaruski kiroŭca byŭ časova aryštavany na try miesiacy. Za takuju vialikuju kolkaść kantrabandy cyharet jon moža być pazbaŭleny voli na termin da 10 hadoŭ.
