Daktary nakiravali Ściapana Łatypava na dadadkovaje abśledvańnie, sud praciahniecca zaŭtra
Siońnia padčas sudovaha pasiadžeńnia Ściapan Łatypaŭ paskardziŭsia na kiepskaje samaadčuvańnie.
Paśla abiedu praciahnuŭsia sud nad palitźniavolenym Ściapanam Łatypavym, ale biez abvinavačanaha, piša spring96.org.
Sudździa Alaksandr Voŭk skazaŭ, što «ŭ suviazi ź niemahčymaściu praciahu pasiadžeńnia biez prysutnaści abvinavačanaha» sud praciahniecca 30 lipienia a 10:00.
Kankretnaj pryčyny, pa jakoj Ściapan Łatypaŭ adsutničaŭ na pracesie, sudździa nie ahučyŭ.
U suviazi z drennym samaadčuvańniem daktary nakiravali Ściapana Łatypava na dadatkovaje abśledavańnie. Sam palitviazień ciapier u SIZA-1 na Vaładarskaha. Jon sam siońnia paprasiŭ vyklikać doktara ŭ sud.
U Ściapana Łatypava nie raz uźnikali prablemy sa zdaroŭjem. U studzieni jon pierachvareŭ na kavid. I kali dva miesiacy tamu ŭ lakarni jamu zašyvali šyju ad pareza, to vyjavili astatkavuju pnieŭmaniju.
Taksama padčas źniavoleńnia ŭ jaho fiksavali prystupy arytmii.
