U Turkmienistanie abviaścili abaviazkovuju vakcynacyju. Ale tam aficyjna niama vypadkaŭ kavidu
Vakcynacyja ad karanavirusnaj infiekcyi COVID-19 abjaŭlena abaviazkovaj dla ŭsich darosłych hramadzian Turkmienistavna, jakija nie majuć miedycynskich supraćpakazańniaŭ dla pryščepki.
Pra heta havorycca ŭ paviedamleńni infarmacyjnaha centra Ministerstva achovy zdaroŭja i miedycynskaj pramysłovaści krainy, apublikavanym u haziecie «Niejtralny Turkmienistan», paviedamlaje RBK.
«Dla efiektyŭnaści vakcynaprafiłaktyki kožny z nas pavinien aktyŭna ŭdzielničać u hetym pracesie <…>. Usie starejšyja za 18 hadoŭ pry adsutnaści miedyčnych supraćpakazańniaŭ dla atrymańnia prafiłaktyčnaj pryščepki suprać COVID-19 padlahajuć vakcynacyi», — havorycca ŭ paviedamleńni viedamstva.
Pavodle aficyjnych źviestak, u Turkmienistanie da hetaha času nie zafiksavana nivodnaha vypadku zaražeńnia COVID-19.
U kancy červienia prezident krainy Hurbanhuły Bierdymuchamiedaŭ jašče raz zajaviŭ pra heta na naradzie z kiraŭnikami nadzvyčajnaj kamisii pa baraćbie z raspaŭsiudžvańniem chvarob. Jon taksama zhadaŭ pra važnaść prafiłaktyki raspaŭsiudžvańnia COVID-19 i ŭkazaŭ na nieabchodnaść dadatkovych mier.
Prafiłaktyčnymi metami patłumačyli vakcynacyju ad COVID-19 i ŭ paviedamleńni turkmienskaha Minzdaroŭja.