20 mierćviakoŭ: u Karybskim mory znajšli łodku z trupami
Žudasnaja historyja adbyłasia ŭ rajonie astravoŭ Karybskaha basiejna: da bieraha ruchałasia nievialikaje sudna z kamandaj ź mierćviakoŭ, paviedamlaje miascovaja presa.
Łodku, što drejfavała, vyjavili prykładna za milu ad vyspy Hrand-Ciork z 20 miortvymi ludźmi na borcie, paviedamili ŭłady Ciorks i Kajkas.
Pa paviedamleńniach uładaŭ, «karabiel-pryvid» byŭ zaŭvažany rybakami 24 červienia 2021 hoda.
Z sudna byli vyniatyja astanki 20 čałaviek. Ciapier viadziecca praca pa vyśviatleńni asobaŭ zahinułych, pryčyn i abstavinaŭ śmierci.
«Pakul śmierci niemahčyma patłumačyć, niama vidavočnych prykmiet nasilla», — kanstatujuć ułady.Taksama paviedamlajecca, što siarod 20 zahinułych — dvoje dziaciej.
Načalnik miascovaj palicyi zajaviŭ, što sudna, zdajecca, prybyło z-za miežaŭ Karybskaha mora, i miarkuje, što jaho punktam pryznačeńnia nie byli astravy Ciorks i Kajkas.
