U Vilni biełaruski radyjoviadučy padumaŭ, što jaho kalehu skrali. A voś što adbyłosia nasamreč
U noč na Kupalle, 24 červienia, u palicyju Vilni pastupiła tryvožnaje paviedamleńnie. Biełaruski žurnalist padazravaŭ, što jaho kaleha, ź jakim jon viadzie skiravanuju na Biełaruś radyjoprahramu, moh być vykradzieny.
Delfi.lt
Jon paviedamiŭ, što źviarnuŭsia ŭ palicyju paśla padazronaj razmovy z kaleham, paźniej toj nie adkazvaŭ na telefonnyja zvanki. Jon taksama nie adkazaŭ na zvanki palicejskich, piša Delfi.lt.
Supracoŭniki palicyi prybyli nočču ŭ arandavany dom na ŭskrainie Vilni, ale dźviery im nichto nie adčyniŭ. Vyklikali pažarnych, kab jany trapili ŭ budynak i puścili supracoŭnikaŭ palicyi.
Adnak vybivać dźviery abo raźbivać akno nie było nijakaj patreby. Da biełarusa narešcie ŭdałosia datelefanavacca.
Akazałasia, što jon prosta mocna spaŭ. Pračnuŭsia, adčyniŭ dźviery, parazmaŭlaŭ z supracoŭnikami palicyi.
