У Вільні беларускі радыёвядучы падумаў, што яго калегу скралі. А вось што адбылося насамрэч
У ноч на Купалле, 24 чэрвеня, у паліцыю Вільні паступіла трывожнае паведамленне. Беларускі журналіст падазраваў, што яго калега, з якім ён вядзе скіраваную на Беларусь радыёпраграму, мог быць выкрадзены.
Delfi.lt
Ён паведаміў, што звярнуўся ў паліцыю пасля падазронай размовы з калегам, пазней той не адказваў на тэлефонныя званкі. Ён таксама не адказаў на званкі паліцэйскіх, піша Delfi.lt.
Супрацоўнікі паліцыі прыбылі ноччу ў арандаваны дом на ўскраіне Вільні, але дзверы ім ніхто не адчыніў. Выклікалі пажарных, каб яны трапілі ў будынак і пусцілі супрацоўнікаў паліцыі.
Аднак выбіваць дзверы або разбіваць акно не было ніякай патрэбы. Да беларуса нарэшце ўдалося датэлефанавацца.
Аказалася, што ён проста моцна спаў. Прачнуўся, адчыніў дзверы, паразмаўляў з супрацоўнікамі паліцыі.
