Siamju hrodzienskaha muzyki i žurnalista Alesia Dzianisava vyklikali ŭ SK
Hrodzienski žurnalist Aleś Dzianisaŭ razam z žonkaj Natallaj i dačkoj Darjaj 22 červienia naviedaŭ upraŭleńnie Śledčaha kamiteta pa Hrodzienskaj vobłaści. Siamju Dzianisavych vyklikali ŭ SK u jakaści śviedak pa kryminalnaj spravie «Paŭła Mažejki — Alesia Puškina», paviedamlaje BAŽ.
Aleś Dzianisaŭ
Aleś Dzianisaŭ niekalki hadzin davaŭ pakazańni i ciapier znachodzicca pad padpiskaj ab nierazhałošvańni spravy.
Nahadajem, što 26 sakavika prakuratura Hrodna zaviała kryminalnuju spravu ŭ dačynieńni da kiraŭnika «Centra haradskoha žyćcia» Paŭła Mažejki i mastaka Alesia Puškina. Ich abvinavačvajuć «u ździajśnieńni naŭmysnych dziejańniaŭ, nakiravanych na reabilitacyju i apraŭdańnie nacyzmu» (č. 3 art. 130 Kryminalnaha kodeksa). Na vystavie ŭ Centry byŭ partret antysavieckaha partyzana Jaŭhiena Žychara, u hetym pabačyli hieraizacyju nacyzmu. Tak zaklučyła kamisija pradstaŭnikoŭ Hrodzienskaha dziaržaŭnaha ŭniviersiteta.
Paśla hetaha Ekanamičny sud Hrodzienskaj vobłaści pastanaviŭ likvidavać «Centr haradskoha žyćcia». Pavieł Mažejka abaviazany vykanać hetaje patrabavańnie suda da 12 žniŭnia.
