Zaŭtra ŭ Minsku da +34°S, u Homieli +36°S. Biełhidramiet abviaściŭ čyrvony ŭzrovień na try dni
Nastupnyja dni budzie vielmi śpiakotna. Abvieščany čyrvony (maksimalny) ŭzrovień niebiaśpieki na 23—25 červienia.
Fota Nadziei Bužan
Praŭda, dniom na bolšaj častcy Bresckaj i Hrodzienskaj abłaściej, a na astatniaj terytoryi krainy miescami — karotkačasovyja daždžy. U asobnych rajonach — navalnicy.
Nočču +18..+23°S, dniom +34°S. U Minsku budzie da +34°S, u Homieli da +36°S, u Hrodnie da +32°S, u Breście da +33°S, u Viciebsku — +34°S.
24 i 25 červienia nadvorje ŭ krainie budzie vyznačać faktyčna subtrapičnaja pavietranaja masa i frantalnyja raździeły, jakija źmiaščajucca z Zachodniaj Jeŭropy. Miescami daždžy, navalnicy. Znoŭ ža da +34..+36°S. U Minsku da +33°S.
25 červienia, u piatnicu, dniom u asobnych rajonach čakajucca mocnyja daždžy, mahčymy hrad. Pa Homielščynie da +36°S.
