Lidaru hurta Gods Tower dali try hady chimii za abrazu staršyni Homielskaha abłvykankama
Try hady abmiežavańnia voli atrymaŭ Uładzisłaŭ Navažyłaŭ za abrazu pradstaŭnika ŭłady, staršyni Homielskaha abłvykankama Hienadzia Sałaŭja.
U žniŭni minułaha hoda Uładzisłaŭ napisaŭ u fejsbuku kamientar paśla sustrečy čynoŭnika z narodam, dzie paraŭnaŭ čynoŭnika z žyviołaj.
«Ja zastaŭsia vielmi niezadavoleny tym, jak jon siabie tam vioŭ. Jon nijak nie reahavaŭ na zapyty hramadzian, — tłumačyŭ Navažyłaŭ. Pavodle jaho słoŭ, jon užo paśpieŭ zabycca pra toj post, adnak, jak akazałasia, čynoŭnik abraziŭsia.
U apošnim słovie jon zaznačyŭ, što ad rašeńnia sudździ zaležyć los jahonaj siamji. Uładzisłaŭ Navažyłaŭ — adziny karmiciel u siamji, dzie dvoje niepaŭnaletnich dziaciej. Siamja žyvie na zdymnaj kvatery. «U vypadku pazbaŭleńnia mianie voli žonka i dzieci apynucca na vulicy. Kali kamu cikava, što ja chaču, — heta zastacca na voli», — cytuje słovy muzyki «Radyjo Svaboda».
