Rasijskija najmity ŭ CAR katavali i karali śmierciu miascovych
Rasijskija najmity ŭ Centralnaafrykanskaj Respublicy nieadnarazova byli datyčnyja da katavańniaŭ i zabojstvaŭ miascovych žycharoŭ pad markaj baraćby z paŭstancami, piša CNN.
Adpaviednuju infarmacyju raspaviali žychary horada Bambary. Uvohule, žurnalisty adznačajuć, što lutaŭski incydent u Bambary — adzin ź dziasiatka rasśledavanych vypadkaŭ parušeńnia pravoŭ čałavieka rasijskimi bajevikami.
Žurnalisty źmianili imiony miascovych dla abarony ich ad pieraśledaŭ. Tyja raspaviali, što rasijanie nibyta adkryli ahoń pa cyvilnych, kali tyja schavalisia ŭ miačeci Al-Takva. Tady zahinuli dzieci.
Pa słovach miascovych, niekalki mirnych žycharoŭ byli zastrelenyja, kali rasijanie i armija zahadali ludziam pakinuć miačeć. Tady, niahledziačy na toje, što ludzi vychodzili ź miačeci z padniatymi ŭvierch rukami, vajskoŭcy adkryli pa ich ahoń. Čatyry čałavieki zahinuli, a jašče adzin uciok. Mužčynu, jaki raspavioŭ pra heta CNN, tady paranili ŭ nahu. U toj ža čas, miedycynskuju dapamohu jon atrymać u špitali nie moh, tamu što tam vartavali miascovyja vajskoŭcy, a tamu byŭ vymušany chavacca.
Taksama jość śviedčańni ab abstrełach mirnych žycharoŭ z rasijskich viertalotaŭ. CNN paćviardžaje, što ŭ pačatku hoda da CAR sapraŭdy było adpraŭlena niekalki rasijskich bajavych viertalotaŭ.
Padčas hetaha lutaŭskaha incydentu ŭ miačeci nibyta było zabita ad 12 da 20 čałaviek.
