Žuk: Ekanamičnyja vyniki Biełarusi jak bialmo na voku ŭ postkavidnaj Jeŭropie
Ekanamičnyja i sacyjalnyja vyniki Biełarusi jak bialmo na voku ŭ postkavidnaj Jeŭropie. Takoje mierkavańnie vykazaŭ dyrektar «Sovietskoj Biełoruśsii» Dźmitryj Žuk u prahramie «Kłub redaktaraŭ».
Dźmitryj Žuk ličyć, što sacyjalna-ekanamičnaja madel Biełarusi — davoli ŭstojlivaja sistema. I čarhovyja sankcyi, pra jakija zajaŭlaje ES, nibyta śviedčać ab tym, što razvalić biełaruskuju madel jamu nie tak užo i lohka.
«Była b drennaja, sama b upała, jak u niekatorych našych susiedziaŭ. Sacyjalnyja adnosiny, jakija vybudavanyja ŭ hramadstvie, i sacyjalnaja palityka dziaržavy (padtrymka piensijanieraŭ, šmatdzietnych siemjaŭ i hetak dalej) daje svoj efiekt. Moža być, u nas niama atamnych zarobkaŭ, ale zatoje ŭ nas jość harantyja realizacyi praktyčna ŭsich žyćciovych pravoŭ, — padkreśliŭ kiraŭnik miedyjachołdynha. — I voś hety vynik — i ekanamičny, i sacyjalny — jak bialmo na voku ŭ postkavidnaj Jeŭropie».
