U Stolinskim rajonie rybak spyniŭ zhvałtavańnie dziaŭčynki
U miascovy RAUS 7 červienia źviarnuŭsia miascovy žychar. Jon raskazaŭ ab mahčymych dziejańniach seksualnaha charaktaru ŭ dačynieńni da małoj dziaŭčynki.
Mužčyna pakazaŭ videa ź mierkavanym hvałtaŭnikom: toj byŭ pjany i z rasšpilenymi šortami znachodziŭsia pobač ź dziaŭčynkaj, paviedamlaje pres-słužba MUS.
Mužčyna, jaki źviarnuŭsia ŭ milicyju, raskazaŭ nastupnaje. Jon rybačyŭ na bierazie raki i pačuŭ šum z kustoŭ, zaŭvažyŭ tam darosłaha ź dziciem. Staŭ zadavać pytańni, zdymajučy situacyju na telefon. Paśla svarki toj darosły zabraŭ dziaŭčynku i syšoŭ.
Na videa apieratyŭniki paznali 38-hadovaha žychara Stolina, jakoha raniej sudzili za zhvałtavańnie, hvałtoŭnyja dziejańni seksualnaha charaktaru i parušeńnie previentyŭnaha nahladu. Doma jaho nie akazałasia.
Usia stolinskaja milicyja była ŭźniata pa tryvozie, da vyšuku padklučylisia kalehi z susiednich rajadździełaŭ i transpartnaj milicyi. Vyśvietliłasia, što sa stancyi Haryń padazravany razam sa znajomym na dyzieli pajechali ŭ Łuniniec. Pa prybyćci jaho zatrymali.
Raspačataja kryminalnaja sprava pavodle č. 3 art. 167 (Hvałtoŭnyja dziejańni seksualnaha charaktaru, učynienyja ŭ dačynieńni da zaviedama małaletniaj).
