Našeście paŭlinaŭ u Kalifornii: budziać ludziej da ŭzychodu sonca, robiać naloty na sady i dziaŭbuć mašyny
U Paŭdniovaj Kalifornii zdaryłasia našeście paŭlinaŭ. Padčas pandemii imi nichto nie zajmaŭsia, ciapier jany sotniami hulajuć pa haradkach niepadalok ad Łos-Andželesa, piša Bi-bi-si.
Fota z sajta Washingtonpost.com
Abaroncy žyvioł kažuć, što paŭliny ŭpryhožvajuć svaimi jarkimi pierjem navakolli. Ale takoje stanoŭčaje mierkavańnie padzialajuć ŭsiaho tolki 30% miascovych, kaža Majk Maksi, ekśpiert pa dzikaj pryrodzie.
Jon kiruje kampanijaj pa adłovie i pieravozcy ptušak z žyłych rajonaŭ u pryrodnyja zapaviedniki. Pavodle jaho infarmacyi, bolš za 70% žycharoŭ chočuć pazbavicca ad paŭlinaŭ na vulicach.
Žychary Kalifornii skardziacca na hučnyja kryki paŭlinaŭ, jakimi jany budziać ludziej jašče da ŭzychodu sonca.
Paŭliny abjadajuć sady i vykałupvać čarapicu z dachaŭ, a jašče mohuć dziaŭbci mašyny, kali zaŭvažajuć u ich svajo adlustravańnie, bo ŭsprymajuć jaho za supiernika.
Miascovyja ŭłady płanujuć uvieści zabaronu na karmleńnie ptušak. Parušalnikam budzie pahražać štraf u 1000 dalaraŭ ci šeść miesiacaŭ źniavoleńnia.
