Pčoł, jakija pasialilisia na kole ahladu ŭ parku Horkaha, sabrali z dapamohaj pyłasosa
U niadzielu ŭ minskim parku Horkaha spyniŭsia hałoŭny atrakcyjon — koła ahladu. Tudy prylacieŭ roj pčoł, tamu jaho spynili za piać hadzin da zakryćcia parku.
Pieršapačatkova pčołam dali mahčymaść samastojna pakinuć koła ahladu. Pahatoŭ u paniadziełak u parku byŭ vychodny dzień, paviedamlajuć «Minsk-Naviny».
Bolšaja častka źlacieła, adnak da aŭtorka tam zastavałasia jašče tracina roju, tamu ŭ situacyju vymušanyja byli ŭmiašacca supracoŭniki MNS.
Padraździaleńnie prybyło tudy ŭviečary. Spatrebilisia kalenčaty padjomnik dla vyšyni da 35 m, achoŭny kaścium pčalara i pyłasos. Vyratavalnik padniaŭsia na atrakcyjon i sabraŭ pčoł z dapamohaj śpiectechniki.
Pčoł vypuścili žyvymi jak maha dalej ad dziciačaha parku, a paražniny ŭ kanstrukcyi zapoŭnili mantažnaj pienaj. Rabotnikam parku paraili jašče paru dzion pryhladać za kołam.
Siońnia atrakcyjon budzie pracavać pa zvyčajnym raskładzie.
