U Breście abviaścili prysud žycharu Baranavič za «raspalvańnie varožaści»
Siomaha červienia ŭ Bresckim abłasnym sudzie abviaścili prysud žycharu Baranavič Uładzisłavu Burynu pa kryminalnaj spravie ab raspalvańni varožaści, paviedamlaje «Bresckaja Viasna». Sudździa Mikałaj Siańko pryznaŭ jaho vinavatym pa č. 1 art. 130 KK RB i pryznačyŭ pakarańnie ŭ vyhladzie 3 hadoŭ pazbaŭleńnia voli (stolki i zapytvała dziaržabvinavaŭca Białt). Z ulikam nieadbytaj častki pakarańnia pa inšym prysudzie (jon byŭ raniej asudžany za machlarstva), sumarnaje pakarańnie budzie składać čatyry hady kałonii ŭzmocnienaha režymu.
Pavodle abvinavačvańnia, z 20 pa 27 vieraśnia 2020 hoda ŭ telehram-čacie hrupy «Karniki» mužčyna raźmiaściŭ 13 paviedamleńniaŭ, u jakich, zhodna ź linhivistyčnaj i psichałahičnaj ekśpiertyzami, «niehatyŭna acaniŭ» i «padachvočvaŭ da niezakonnych kryminalnych dziejańniaŭ» u dačynieńni da supracoŭnikaŭ milicyi, vajskoŭcaŭ, dziaržaŭnych słužačych i ich siemjaŭ.
Na sudzie paviedamleńni całkam nie začytvalisia, ale ŭ niekatorych było paraŭnańnie ŭkrainskich pratestaŭ i biełaruskich. Častka paviedamleńniaŭ byli repostami.
Abvinavačany Buryn na sudzie zajaviŭ, što pryznaje vinu całkam. Pry hetym adznačyŭ, što častku paviedamleńniaŭ jon nie napisaŭ sam, a tolki pierasłaŭ hatovaje. Taksama mužčyna vydaliŭ svaje paviedamleńni z čataŭ praz dva tydni: «Zrazumieŭ, što niapravilna napisaŭ», skinuŭ telefon da zavadskich naładaŭ.
Buryn znachodzicca pad vartaj z vośmaha lutaha.