U Nihieryi zabaranili tvitar paśla taho, jak sacsietka vydaliła tvit prezidenta krainy
Papularnaja sacsietka vydaliła dopis prezidenta Nihieryi Muchamadu Buchary, u jakim jon pahražaŭ sieparatystam na paŭdniovym uschodzie krainy, piša The NYT.
Nihieryja zabłakavała Twitter paśla taho, jak sajt vydaliŭ tvit prezidenta Muchamadu Buchary. Prezident pahražaŭ sieparatysckim hrupam na paŭdniovym uschodzie, adkaznym za napady na ŭradavyja ŭstanovy.
Urad prypyniŭ pracu Twitter, jakim karystajucca miljony nihieryjcaŭ, u piatnicu ŭviečary. Uradavy čynoŭnik nazvaŭ prysutnaść płatformy ŭ Nihieryi «vielmi, vielmi padazronaj».
Karystalniki Twitter u Nihieryi vykazali abureńnie ŭ suviazi z błakavańniem servisu.
Twitter zajaviŭ u subotu, što jon «hłyboka zaniepakojeny» dziejańniami Nihieryi i budzie pracavać nad adnaŭleńniem dostupu.
Hienieralny prakuror Nihieryi Abubakar Małami rasparadziŭsia nieadkładna pryciahnuć da adkaznaści luboha, chto budzie abychodzić zabaronu na karystańnie servisam.