«Hatovyja ŭstać na abaronu sajuźnika». U NATA papiaredzili biełaruskija ŭłady
NATA pieraścierahaje prezidenta Rasii Uładzimira Pucina i Alaksandra Łukašenku ad destabilizacyi na ŭschodnim fłanhu aljansu. Pra heta skazaŭ hienieralny sakratar aljansu Jens Stołtenbierh u intervju Welt am Sonntag.
Pa słovach Stołtenbierha, krainy-siabry NATA surjozna zaniepakojenyja ciesnym uzajemadziejańniem pamiž Pucinym i Łukašenkam, jakoje nazirajecca apošnija miesiacy.
Jon adznačyŭ, što NATA ŭvažliva sočyć za tym, što adbyvajecca ŭ Biełarusi, i aljans u nadzvyčajnaj situacyi hatovy ŭstać na abaronu sajuźnikaŭ pry lubym vyhladzie pahroz, kali takija buduć zychodzić ź Minska i Maskvy.
Stołtenbierh taksama skazaŭ, što Biełaruś stanovicca «ŭsio bolš i bolš zaležnaj» ad Rasii, u suviazi z čym dziejučaje pahadnieńnie ab partniorstvie ź Minskam niadaŭna było značna skaročana i budzie i dalej pierahladacca.