Biełaruskija ŭłady adkazali na sankcyi ZŠA
Biełaruś pryniała miery ŭ adkaz na sankcyi ZŠA suprać kancerna «Biełnaftachim». Pra heta zajaviŭ pres-sakratar MZS Biełarusi Anatol Hłaz.
Raniej abvieščanyja adnabakovyja sankcyi ZŠA ŭ dačynieńni da niekalkich biełaruskich pradpryjemstvaŭ naftachimičnaha kompleksu farmalna pačali dziejničać siońnia.
«Jak suvierennaja kraina my nie možam pakinuć biez uvahi dadzieny niedružalubny vypad. Tamu siońnia ŭ MZS byŭ vyklikany časovy pavierany ŭ spravach ZŠA ŭ Biełarusi, jakomu abvieščana ab mierach u adkaz. Siarod ich skaračeńnie dypłamatyčnaha i administracyjna-techničnaha piersanału amierykanskaj dypmisii, uzmacnieńnie žorstkaści vizavych pracedur, abmiežavańnie pracy amierykanskich śpiecyjalistaŭ u Biełarusi na časovaj asnovie. Nami taksama adklikana rašeńnie ab pracy ŭ Biełarusi Ahienctva ZŠA pa mižnarodnym raźvićci», — skazaŭ Anatol Hłaz.
