Estonija admianiaje abaviazkovaje našeńnie masak
Abaviazak nasić achoŭnuju masku ŭ pamiaškańniach budzie admienieny ŭ Estonii ź sierady, 2 červienia. Takoje rašeńnie było pryniata ŭ aŭtorak na kabinietnaj naradzie ŭrada, piša ERR.
Rašeńnie pryniata na fonie źnižeńnia ŭzroŭniu zachvorvańnia na karanavirus.
Ahulnadziaržaŭny abaviazak našeńnia achoŭnych masak budzie z 2 červienia admienieny va ŭsich hramadskich pamiaškańniach, u tym liku damach pa dohladzie i adukacyjnych ustanovach, u jakich abaviazak da hetaha času dziejničaŭ. Heta taksama datyčycca kram, ustanoŭ śfiery pasłuh, adukacyi, kultury, sportu, cerkvaŭ, śfiery volnaha času i inš.
Akramia skasavańnia ahulnadziaržaŭnaha abaviazku nasić masku, našeńnia masak bolš nie buduć centralizavana patrabavać ad asob, što blizka kantaktavali z chvorym na COVID-19, adnak hety abaviazak zachavajecca, kali hetaha budzie patrabavać Departamient zdaroŭja.
U Departamienta zdaroŭja zastajecca prava, u zaležnaści ad epidemijałahičnaj situacyi, patrabavać našeńnia masak u kankretnych miescach abo na kankretnych mierapryjemstvach. Akramia taho, pracadaŭcy mohuć patrabavać našeńnie masak ad rabotnikaŭ abo klijentaŭ pradpryjemstva dla zabieśpiačeńnia biaśpiečnaj vytvorčaj abstanoŭki.
Pakolki ryzyka raspaŭsiudžvańnia karanavirusa ŭ Estonii zachoŭvajecca, ludziam pa-raniejšamu rekamiendujuć vykonvać dystancyju, myć i dezynfikavać ruki.
Nasić masku ci prykryvać nos i rot pa-raniejšamu rekamiendujecca ŭ zakrytych, šmatludnych pamiaškańniach z drennaj vientylacyjaj i adsutnaściu mahčymaści trymacca na adlehłaści ad starońnich ludziej. U jakaści takich miescaŭ nazyvajuć hramadski transpart i šmatludnyja zakrytyja pamiaškańni.
