Styvien Kinh nazvaŭ samy strašny film žachaŭ
Amierykanski piśmieńnik Styvien Kinh nazvaŭ samy strašny film žachaŭ.
Pra heta jon raspavioŭ u intervju dla Dread Central, piša lenta.ru.
Aŭtar historyj dla takich filmaŭ, jak «Źziańnie» i «Jano», zajaviŭ, što bajaŭsia, kali hladzieŭ chorar 1999 hoda «Viadźmarka z Błer: Kursavaja z taho śvietu».
«Ja byŭ u balnicy pad abiazbolvalnymi, kali ŭpieršyniu ŭbačyŭ hetaje kino. Syn prynios mnie kasietu z zapisam i skazaŭ: «Ty pavinien heta pahladzieć». Na pałovie ja nie vytrymaŭ: «Vyklučycie heta! Heta zanadta žudasna i dziŭna», — padzialiŭsia Kinh, prazvany «karalom žachaŭ».
Karcina režysioraŭ Eduarda Sančesa i Denieła Miryka apaviadaje pra hrupu studentaŭ, jakija pryjazdžajuć u staradaŭniaje amierykanskaje pasielišča Bierkitśvil, štat Merylend, kab źniać dakumientalny film, zasnavany na lehiendzie pra viadźmarku z Błer. U filmie adsutničajuć śpiecefiekty i sceny hvałtu.
