Telekanał HBO zdymaje novuju «Hulniu tronaŭ» — pieršyja kadry
Kanał HBO vykłaŭ pieršyja fota sa zdymak novaha sieryjała «Dom Drakona» (House of Dragon), jaki źjaŭlajecca prykviełam «Hulni tronaŭ».
Zdymki pačalisia ŭ krasaviku, a na ekrany stužka vyjdzie, jak čakajuć, u 2022 hodzie.
«Dom Drakona» zasnavany na knizie Džordža Marcina «Połymia i kroŭ» — jaje padziei razhortvajucca za 200 hadoŭ da tych, što byli apisany ŭ «Hulni tronaŭ», piša VVS.
Hałoŭnyja hieroi — dynastyja Tarharyjenaŭ, prodki Dejnerys Tarharyjen, jakija kiravali Vesterosam na praciahu niekalkich stahodździaŭ.
Sieryjał raskaža ab padziejach hramadzianskaj vajny, viadomaj jak Taniec drakonaŭ.
Pieršy siezon budzie składacca z 10 sieryj, da jaho zdymak pryciahnuty sam Džordž Marcin.
Sieryjał «Hulnia tronaŭ» vychodziŭ na ekrany z 2011 pa 2019 hod — za hety čas stužka atrymała vielizarnuju kolkaść uznaharod — u tym liku 38 premij» Emi « ŭ roznych naminacyjach — i reputacyju adnaho z samych paśpiachovych sieryjałaŭ usich časoŭ.
Viadoma, što ŭ cełym pa matyvach «Hulni tronaŭ» płanujecca źniać adrazu piać śpin-ofaŭ, adnak usie jany, aproč «Doma drakona», da hetaha času znachodziacca ŭ stadyi raspracoŭki.