Biełarusbank paviedamiŭ pra novy mietad machlarstva. U Viber i nie tolki
Pra heta paviedamlajuć «Minsk-naviny» sa spasyłkaj na pres-słužba banka.
Złačyncy adpraŭlajuć u Viber padrobleny dakumient — «Damova na pieraafarmleńnie bankaŭskaha rachunka pa strachavych rekvizitach» nibyta ad banka. U im pamyłka ŭ naźvie banka i zmazanaja piačatka, adnak heta zaŭvažajuć nie ŭsie, i tady machlary pierakonvajuć pieraličyć hrošy na tak zvany abaronieny rachunak, viarnuć hrošy ź jakoha niemahčyma.
Taksama banku viadomyja vypadki, kali anałahičny dakumient vysyłali na elektronnuju poštu klijenta i prasili źviestki bankaŭskaj karty albo łahin i parol ad internet-bankinhu.
U Biełarusbanku padkreślivajuć, što supracoŭniki finansavaj ustanovy nie źviazvajucca z klijentami ni praz Viber, ni z dapamohaj pošty i tym bolš nie adpraŭlajuć takim sposabam dakumienty. U finansavaj ustanovie rekamiendujuć pry sutyknieńni z ašukancami nie reahavać na ich zakliki i telefanavać u koł-centr Biełarusbanka.