Najvialikšy kitajski aŭtavytvorca stvoryć elektramabil — kankurenta Tesla
Kitajskaja kampanija Geely zapuskaje vytvorčaść premijalnaha elektramabila pad novym brendam «Zeekr», jaki musić stvaryć surjoznuju kankurencyju Tesla.
Fota BBC
Letaś madeli elektramabilaŭ Tesla stali samymi papularnymi ŭ Kitai. Adnak płanujecca, što ŭžo sioleta na kitajskim rynku źjavicca surjozny kankurent amierykanskamu aŭtavytvorcu.
Geely źjaŭlajecca najvialikšaj kampanijaj pa vytvorčaści aŭtamabilaŭ u Kitai, paviedamlaje BBC.
Kampanii Geely naležać brendy Volvo i Lotus, jakija taksama raspracoŭvajuć elektramabili premium-kłasa. Da taho ž, kampanija vałodaje akcyjami kampanii Mercedes-Benz.
Hałoŭnaja stratehija Zeekr pieršapačatkova budzie aryjentavacca na kitajski rynak, ale kampanija taksama budzie vyvučać zamiežnyja mahčymaści z ulikam suśvietnaha popytu na premijalnyja elektramabili.
