Siońnia IICHF vyznačyć miesca praviadzieńnia ČS pa chakiei zamiest Biełarusi: jość try varyjanty
Rada Mižnarodnaj fiederacyi chakieja (IICHF) projdzie ŭ aŭtorak, na pasiadžeńni arhanizacyja pavinna pryniać kančatkovaje rašeńnie ab miescy praviadzieńnia čempijanatu śvietu pa chakiei 2021 hoda.
Płanavałasia, što turnir adbudziecca ŭ Łatvii i Biełarusi. Ale tydzień tamu IICHF pazbaviła Minsk prava praviadzieńnia matčaŭ čempijanatu śvietu 2021 hoda. U stalicy Biełarusi pavinny byli adbycca matčy hrupy A, dva čverćfinały, paŭfinały, matč za treciaje miesca i finał. Pakolki praviadzieńnie čempijanatu śvietu źjaŭlajecca važnaj krynicaj dachodu Mižnarodnaj fiederacyi, admieny turniru dakładna nie adbudziecca, piša TASS.
Saviet IICHF razhledzić try varyjanty miesca praviadzieńnia biełaruskaj častki spabornictvaŭ. Zamiest Minska hulni čempijanatu śvietu moža pryniać Bracisłava, dacki Chierninh abo Ryha praviadzie pieršynstvo ŭ poŭnym abjomie. Zacikaŭlenaść u turniry vykazała Litva, ale IICHF pryniała rašeńnie admovicca ad litoŭskaj prapanovy.
Čempijanat śvietu projdzie z 21 maja pa 6 červienia.