Pamierła aktrysa Śviatłana Niekipiełava
Aktrysa Śviatłana Niekipiełava pamierła 22 studzienia va ŭzroście 76 hadoŭ. Kremacyja adbyłasia 24 studzienia.
Pra heta Tut.by paviedamiŭ akcior Ihar Padlivalčaŭ.
Jana naradziłasia ŭ 1944 hodzie ŭ Arenburhskaj vobłaści (Rasija). U 1965-m skončyła akciorski fakultet Biełaruskaha teatralna-mastackaha instytuta i stała aktrysaj Kołasaŭskaha teatra (Viciebsk). Z 1967 hoda i da pačatku 2010-ch hadoŭ źjaŭlałasia aktrysaj Kupałaŭskaha teatra.
U 1970 hodzie pačała zdymacca ŭ kino, debiutavaŭšy ŭ roli Volhi ŭ vajennaj dramie «Ruiny stralajuć» (film byŭ pryśviečany Minskamu padpollu).
Taksama zdymałasia ŭ filmach «Čas vybraŭ nas», «Atłanty i karyjatydy», «Trybunał». U 2010-ja aktyŭna zdymałasia ŭ sieryjałach — «Kamienskaja», «Psieŭdanim «Ałbaniec» i inšych.
