U Viciebsku ŭ lesie na prahułcy z pałkami dla skandynaŭskaj chadźby zatrymali šeść piensijanierak
Ranicaj 13 studzienia ŭ Viciebsku milicyja zatrymała ŭ lesie padčas prahułki z pałkami dla skandynaŭskaj chadźby šeść piensijanierak. Ciapier jany ŭ Pieršamajskim RAUS. Pra heta Tut.by paviedamiŭ Kanstancin Sieviaryniec — muž adnoj z zatrymanych, Taćciany Sieviaryniec.
— Žonka patelefanavała mnie kala 10-j hadziny ranicy i paśpieła skazać tolki adno: «Nas akružyli ludzi ŭ čornym». Potym suviaź ź joj pierapyniłasia. Paźniej Taćciana patelefanavała ŭžo ź Pieršamajskaha RAUS. Kaža, što jaje ź piaćciu siabroŭkami zatrymali ŭ Špileŭskim lesie pad Viciebskam, u jakim jany hulali z pałkami dla skandynaŭskaj chadźby, — raspavioŭ Kanstancin Sieviaryniec.
Akramia Taćciany Sieviaryniec, u milicyi znachodziacca viciebskija piensijanierki Alena Kosnava, Ludmiła Faminskaja, Ludmiła Vałatkievič, Tamara Iljina, Raisa Kuchto.
— Za što zatrymali žonku i jaje siabrovak, mnie nieviadoma. Viedaju tolki, što jany kožnuju ranicu hetaj kampanijaj trenirujucca z pałkami — chodziać pa lesie, — dadaŭ Sieviaryniec.
Kanstancin i Taćciana Sieviaryncy — baćki palityka Paŭła Sieviarynca, jaki zaraz pad śledstvam u SIZA na vulicy Vaładarskaha. Jaho maci nie raz zatrymlivali i sudzili pa artykule 23.34 KaAP.