U Minsku projdzie pieršy fiestyval padletkavaj knihi YA/Ja
27—28 listapada. Kulturnickaja prastora «Korpus, 8» (Mašerava, 9). Uvachod volny.
Naviednikaŭ pieršaha fiestyvalu padletkavaj i janh-edałt knihi YA/Ja čakajuć samyja roznyja farmaty: pjesy, čytki, kviz, majstar-kłasy, lekcyi.
«Usio — pra sučasnyja knihi, nijakaha naftalinu! Choć trochi chłusim: budzie i biełaruskaja kłasika, — pišuć arhanizatary. — Jašče budziem havaryć i słuchać pra bulinh, dziciačaje kino, mastactva, padletkavuju žorstkaść, mary, kachańnie i pra darosłych, jakija padmanvajuć. Lapić multy, malavać karciny i rabić paštoŭki pa knihach. I hulniu pa «Hary Poteru»!
Aŭtary taksama buduć. Žyvyja, sapraŭdnyja i hatovyja daviedacca praŭdu pra siabie i svaje knihi.
Naš asablivy honar — stendap-šou «Kot Brodskaha. Minsk». Udzielniki ŭžo rychtujucca da vystupu, a vy rychtujcie padstupnyja pytańni i ŭśmieški!
I, viadoma, knihi možna budzie paniuchać, pamacać i nabyć!»
