Cichanoŭskaja pra sustreču Kačanavaj sa studentami: Nie dała nivodnaha adkazu
Śviatłana Cichanoŭskaja prakamientavała sustreču studentaŭ z Natallaj Kačanavaj.
«Studencki pratest vymusiŭ režym vyjści da naroda. Siońnia Natalla Kačanava pryjechała ŭ BDU, ale nie dała nivodnaha adkazu, jaki pryniała b studenckaja supolnaść. My razumiejem: słovy pra adsutnaść falsifikacyj na vybarach ničoha nie vartyja, kali prosta ŭ VNU studentaŭ žorstka zatrymlivajuć za prajaŭleńni palityčnaj voli. Słovy pra adsutnaść hvałtu z boku siłavikoŭ ničoha nie vartyja, kali ŭ śpisach achviar katavańniaŭ na Akreścina ličacca tyja, kamu jašče nie spoŭniłasia i 20-ci hadoŭ. Słovy pra maral i pavahu da čynoŭnikaŭ ničoha nie vartyja, kali studentaŭ adličvajuć dziasiatkami, a chłopcam adrazu vydajuć paviestki ŭ armiju. Kali režym choča vieści dyjałoh ź biełaruskim narodam, jamu para pačać kazać praŭdu. Pakul hetaha nie adbyłosia, ludzi buduć praciahvać svoj mirny i nastojlivy pratest i damahacca novych vynikaŭ, jakija nabližajuć nas da pieramohi», — havorycca ŭ zajavie palityka.
