Skoki ź viertalotaŭ, BTRy ŭ Śvisłačy: u Minsku adznačyli Dzień desantnika FOTA
U centry Minska siońnia było šmat desantnikaŭ. Dzień PDV tradycyjna adznačajuć 2 žniŭnia, ale sioleta asnoŭnyja hulańni ŭ stalicy zładzili na dzień raniej. Z nadvorjem pašancavała: jano vydałasia soniečnym. Fatohraf tut.by pahladzieŭ, jak heta było.
2 žniŭnia ŭ Biełarusi adznačać 90-hodździe pavietrana-desantnych vojskaŭ. U Minsku asnoŭnyja hulańni prajšli 1 žniŭnia z 10.00 da 14.00. Asnoŭnaj placoŭkaj staŭ praśpiekt Pieramožcaŭ, la Pałaca sportu. Na vystupy vajskoŭcaŭ pryjšło niamała minčukoŭ, mnohija byli ź dziećmi.
Vajskoŭcy desantavalisia ź viertalota na ziamlu i ŭ Śvisłač, pakazali treniroŭki pa rukapašnym bai i bajavyja epizody.
Samym vidoviščnym byŭ, napeŭna, «vals mašyn na vadzie». BTR užo druhi raz vyjšli ŭ Śvisłač, u pieršy raz minčuki bačyli takuju karcinu tydzień tamu, padčas repietycyi vajskoŭcaŭ.
