Borys Džonsan nazvaŭ syna ŭ honar daktaroŭ, jakija vyratavali jamu žyćcio
Kiraŭnik urada Vialikabrytanii Borys Džonsan nazvaŭ syna ŭ honar dvuch daktaroŭ, jakija vyratavali jamu žyćcio, kali jon apynuŭsia ŭ adździaleńni intensiŭnaj terapii paśla zaražeńnia novym karanavirusam. Pra heta abviaściła ŭ subotu na svajoj staroncy ŭ Instagram niaviesta premjer-ministra Kery Simands, jakaja naradziła dzicia ŭ sieradu.
«Pradstaŭlaju vam Uiłfreda Łoŭry Nikałasa Džonsana, narodžanaha 29 krasavika 2020 hoda u dzieviać hadzin ranicy, — napisała Simands. — Imia Uiłfred — u honar dziaduli Borysa, Łoŭry — u honar majho dzieda, a Nikałas — u honar daktaroŭ Nika Prajsa i Nika Charta, jakija ŭ minułym miesiacy vyratavali Borysu žyćcio».
Kiraŭnik brytanskaha kabinieta ministraŭ prysutničaŭ pry naradžeńni syna i maje namier ŭziać adpačynak pa dohladzie za dziciem paśla taho, jak kraina pieraadoleje kryzis, vyklikany pandemijaj. U premjer-ministra jość čaćviora darosłych dziaciej ad papiaredniaha šlubu.