Biełaruskija vieterany ličać mahčymym pravieści parad 9 Maja
Nieabchodnaści pieranosić Parad Pieramohi z 9 maja na inšuju datu ŭ suviazi z karanavirusnaj infiekcyjaj u Biełarusi niama, havorycca ŭ kamientary Biełaruskaj arhanizacyi vieteranaŭ, pradastaŭlenym na zapyt «Interfaks-Zachad».
«Prajšła infarmacyja pra toje, što rasijskija vieteranskija arhanizacyi paprasili prezidenta Uładzimira Pucina pieranieści parad u honar 75-hodździa Pieramohi ŭ Maskvie. U Biełarusi, my ličym, takoj nieabchodnaści niama. Situacyja dazvalaje pravieści parad 9 maja», — adznačajecca ŭ kamientary arhanizacyi vieteranaŭ.
Jak paviedamlałasia, vieteranskija arhanizacyi RF nakiravali Uładzimiru Pucinu zvarot z prośbaj pieranieści parad u honar 75-hodździa Pieramohi ŭ Maskvie z 9 maja na bolš poźniuju datu ŭ suviazi z karanavirusnaj infiekcyjaj. Paźniej stała viadoma, što rašeńnie pra pieranos parada ŭ RF pryniata i budzie ahučana ŭ najbližejšyja dni.
U svaju čarhu, dziaržsakratar Rady biaśpieki Biełarusi Andrej Raŭkoŭ padkreśliŭ palityčnuju značnaść Parada Pieramohi i paviedamiŭ, što kančatkovaje rašeńnie pra jaho praviadzieńni ŭ Minsku budzie pryniata z ulikam raźvićcia epidemijałahičnaj situacyi.
Miž tym, jak paviedamlałasia, kiraŭnik misii SAAZ, što pracavała ŭ Biełarusi, Patryk O'Konar paćvierdziŭ rekamiendacyi spynić masavyja mierapryjemstvy, kamientujučy metazhodnaść praviadzieńnia 9 maja ŭ Minsku vajennaha parada.
