Francyja rekamiendavała nie vykarystoŭvać ibuprafien pry karanavirusie
Ibuprafien moža stać «faktaram paharšeńnia infiekcyi» ŭ ludziej, chvorych na Covid-19, papiaredziŭ u svaim tvitary ministr achovy zdaroŭja Francyi Aliŭje Vieran. «Kali jość patreba źbić tempieraturu, prymicie paracetamoł, — rekamiendavaŭ jon. — Kali ž užo prymajecie inšyja procizapalenčyja preparaty abo sumniejaciesia, prakansultujciesia sa svaim doktaram», — rekamiendavaŭ ministr.
Ibuprafien, jaki pradajecca i ŭ biełaruskich aptekach pad roznymi najmienavańniami (ibuklin dy inš.) adnosicca da siamiejstva niesteroidnych procizapalenčych srodkaŭ, jakija mohuć paharšać ciačeńnie ŭžo isnych infiekcyj. Niekatoryja daktary adznačyli, što ŭžyvańnie ibuprafienu maładymi pacyjentami pryvodziła da mocnaha paharšeńnia ich stanu.
Pa hetaj pryčynie z 15 studzienia francuzskija apteki pierastali pradavać ibuprafien i paracetamoł biez receptaŭ (u vypadku paracetamołu niebiaśpieku stvaraje pieradaziroŭka, jana škodzić piečani).
