Ukrainskaja repierka AlyonaAlyona ŭ novym klipie ratuje padletkaŭ, ź jakich kpiać adnahodki VIDEA
Ukrainskaja repierka Alona Saŭranienka, viadomaja pad tvorčym psieŭdanimam Alyona Alyona, apublikavała klip «Bulinh», u jakim pakazała, jak ździekujucca z padletkaŭ u škole.
U roliku jana ŭ vobrazie advažnaj supierhieraini dapamahaje tym, kamu patrebna abarona ad chulihanaŭ. Sama artystka pryznavałasia, što ź jaje taksama ździekvalisia ŭ škole z-za vahi.
«U pačatkovaj škole da nas pryjazdžali fatohrafy z kaściumami roznych piersanažaŭ, jakija nikoli na mianie nie nałazili. Mianie nie pakidali adnu ŭ kłasie na čas fotasiesii, tamu ja siadzieła z adnakłaśnikami ŭ aktavaj zale. Ź mianie śmiajalisia i kazali kryŭdnyja słovy: «Što, taŭstucha, nie nałaziać», «A što, kaścium mačachi dla ciabie nie pryvieźli» i inšyja. Heta byli maralna ciažkija paru hadzin, jakija paŭtaralisia kožny hod», — ščyra raspaviała rep-vykanaŭca.
