Nad pravym flihielem Ružanskaha pałaca pačali budavać dach FOTY
Dyrektarka Ružanskaha pałacavaha kompleksu rodu Sapiehaŭ Chryścina Hłuško raskazvaje pra płany na najbližejšyja hady — całkam nakryć flihiel dacham, skončyć restaŭracyju fasadaŭ i raspracavać dakumientacyju pa ŭnutranym dobraŭparadkavańni.
Fota telehram-kanała @tropinki.
«U pierśpiektyvie tam budzie kafe na 60 miescaŭ i 24 haściničnyja numary. Jašče pałovu korpusa budzie zajmać šmatfunkcyjanalnaja zała sa scenaj i pasadačnymi miescami dla teatralnych pastanovak, kanfierencyj», — raskazvaje jana.
Fota telehram-kanała @tropinki.
Kali z dacham spadziajucca skončyć u nastupnym hodzie, to astatnija raboty zojmuć nie mienš za piać hadoŭ.
Fota telehram-kanała @tropinki.
«Usio zaležyć ad finansavańnia — pakul hety praces dobra ruchajecca. Na hety momant u nas jość finansavańnie ad miascovych orhanaŭ ułady i Ministerstva kultury, — dzielicca Chryścina Hłuško. — Kaniečnie, na teatralnuju zału, jakaja budzie adnaŭlacca bolš histaryčna dakładna, budzie zatračvacca bolš času i finansaŭ. Tamu my pryniali rašeńnie ŭ pieršuju čarhu stvaryć kafe z haścinicaj i dla zručnaści zapuścić choć hetu častku budynka, a paśla dalej praciahvać restaŭracyju».
