Biełarus-čempijon Arłoŭski vybačyŭsia pierad seksualnymi mienšaściami za hamafobnyja kamientary
Były čempijon UFC u ciažkaj vazie Andrej Arłoŭski ŭ intervju paśla pieramohi nad Benam Rotviełam prynios prabačeńni pradstaŭnikam seksualnych mienšaściaŭ za hamafobnyja kamientary. Piša sports.ru sa spasyłkaj na mmajunkie.usatoday.com.
«Ja prašu prabačeńnia pierad usimi, kaho abraziŭ drennym vybaram słoŭ. Ja nie mieŭ namieraŭ abrazić jakuju-niebudź hrupu ludziej ci asobnaha čałavieka. Mnie vielmi škada, i ja abiacaju nie vykarystoŭvać padobnyja słovy ŭ budučyni», — paviedamiŭ biełarus.
Arłoŭski paśla boju, źviartajučysia da svaich chiejtaraŭ, vykarystaŭ abraźlivaje abaznačeńnie asob nietradycyjnaj seksualnaj aryjentacyi mužčynskaha połu.
«U UFC viedajuć pra niadaŭnija kamientary Andreja Arłoŭskaha. My nie ŭchvalajem hreblivyja vykazvańni nakont rasy, relihii abo seksualnaj aryjentacyi. My ŭžo abmierkavali hetaje pytańnie naŭprost z Andrejem i jaho kamandaj. Heta pryjarytet dla arhanizacyi, i my praciahniem adsočvać padobnyja situacyi ŭ budučyni», — havorycca ŭ zajavie UFC.
