Alimpijskaja čempijonka Ała Cupier adkryvaje dziciačy spartyŭny centr
Dziciačy centr raźvićcia «TryČatyry» adkryjecca ŭ staličnym mikrarajonie Kamiennaja Horka ŭ pačatku vieraśnia. Kansultantam i adnym z arhanizataraŭ prajekta źjaŭlajecca alimpijskaja čempijonka Sočy-2014 pa frystajle Ała Cupier.
U centry buduć zajmacca dzieci ad 2 da 12 hadoŭ. Prahrama dla dziaciej ad dvuch da šaści hadoŭ nakiravana na ahulnaje fizičnaje raźvićcio. A ŭžo ŭ starejšych hrupach budzie akcent na himnastyku.
U prahramie centra spartyŭnaja himnastyka, azdaraŭlenčaja himnastyka, estetyčnaja himnastyka, frystajł, akrabatyka i parkur. Dla kožnaj hrupy sfarmiravana ŭłasnaja prahrama, jakaja ŭličvaje asablivaści i patreby dziaciej kožnaha ŭzrostu. Zaniatki buduć pravodzić daśviedčanyja treniery. U padbory piersanału i padrychtoŭcy prahramy ŭdzielničała niepasredna Ała Cupier, śćviardžajuć u centry.
