U Biełarusi źjaviacca novyja 5- i 10-rublovyja banknoty
U Biełarusi pa rašeńni Nacbanka madyfikujuć banknoty naminałam 5 i 10 rubloŭ, jakija ciapier znachodziacca ŭ abaračeńni. Z momantu ich vypusku prajšło 10 hadoŭ, i niekatoryja detali na ich užo nie aktualnyja.
Raniej paviedamlałasia, što ŭ madyfikavanych banknotach źmieniać vyjavy architekturnych pomnikaŭ. Malunki pryviaduć u adpaviednaść z aktualnym źniešnim vyhladam z ukazańniem nazvy namalavanych budynkaŭ.
Taksama na novych banknotach nie budzie rekvizitu «Staršynia Praŭleńnia» i faksimile podpisu staršyni praŭleńnia Nacbanka Piatra Prakapoviča, jaki pajšoŭ u adstaŭku jašče ŭ 2011 hodzie.
Akramia taho, na banknotach zamieniać hod vypusku ŭ abaračeńnie: zamiest «2009» dla banknot naminałami 5 i 10 rubloŭ — «2019».
Vyjavy novych banknot jašče niama.
Miarkujecca, što ŭ 2020 hodzie źjaviacca novyja 20- i 50-rublovyja banknoty.
