Žarko: Kraina žyvie chakiejem
Biełaruski chakiej pavinien vyjści na novy ŭzrovień da chatniaha čempijanata śvietu 2021 hoda. Takuju zadaču pastaviŭ namieśnik premjer-ministra Vasil Žarko pierad novym kiraŭnikom FCHB Hienadziem Saviłavym, padvodziačy vyniki kanfierencyi fiederacyi, piša BiełTA.
Vasil Žarko skazaŭ, što kraina žyvie chakiejem. Dokazam tamu słužyć vysokaje naviedvańnie matčaŭ minskaha «Dynama».
«Adnak nacyjanalnaja zbornaja pakinuła elitny dyvizijon. Viadoma, vynik vystupleńnia niezdavalniajučy. Liču, Siamion Šapira zrabiŭ mnohaje za hod, ale jon sam pryniaŭ rašeńnie syści ŭ adstaŭku, nichto jaho da hetaha nie padšturchoŭvaŭ. Zadača pierad novym kiraŭnikom i ŭsim biełaruskim chakiejem — jak maha lepš padrychtavacca da chatniaha čempijanata śvietu 2021 hoda. Dla raźvićcia čempijanatu buduć stvorany kamandy ŭ Pinsku, Oršy, inšych haradach. Nieabchodna, kab i minskaje «Dynama» stanaviłasia kaściakom dla nacyjanalnaj zbornaj. Z kłuba pavinny prychodzić i treniery, i hulcy», — adznačyŭ jon.