Minsk časova stanie kulturnaj stalicaj vyjaŭlenčaha mastactva Jeŭrazii
Mižnarodnaja vystava sučasnaha mastactva «Ad Lisabona praź Minsk da Uładzivastoka» projdzie ŭ Minsku ŭ śniežni, paviedamili ŭ pasolstvie Biełarusi ŭ Francyi.
Prajekt inicyiravali pasolstva Biełarusi ŭ Francyi i pastajannaje pradstaŭnictva Biełarusi pry JUNIESKA. Vystavu płanujecca adkryć u Minsku 21 śniežnia ŭ Mastackaj halerei Michaiła Savickaha na zakančeńnie Hoda kultury ŭ Biełarusi. Płanujecca, što ekspazicyja budzie ŭklučać pa niekalki rabot adnaho sučasnaha mastaka z bolš jak 25 staličnych i bujnych haradoŭ krain Jeŭrazii. Taki maštabny prajekt pretenduje stać adnym z samych jarkich prajektaŭ Hoda kultury, adznačyli ŭ pasolstvie.
«Arhanizacyja vystavy «Ad Lisabona praź Minsk da Uładzivastoka» ŭ stalicy Biełarusi prademanstruje imknieńnie i viadučuju rolu krainy ŭ žadańni pabudavać ahulnajeŭrapiejski dom biez raździalalnych linij, miežaŭ i procipastaŭleńniaŭ. Faktyčna na čas vystavy Minsk stanie svojeasablivaj kulturnaj stalicaj vyjaŭlenčaha mastactva Jeŭrazii», - adznačyli ŭ pasolstvie.
Kalekcyja vystavy, jak čakajecca, pradstavić raboty mastakoŭ z nastupnych krain i haradoŭ: Aŭstryja (Viena), Bałharyja (Safija), Bielhija (Brusiel), Vienhryja (Budapiešt), Vialikabrytanija (Łondan), Hiermanija (Bierlin), Italija (Rym), Kazachstan (Astana), Łatvija (Ryha), Litva (Vilnius), Małdova (Kišynioŭ), Niderłandy (Haaha), Polšča (Varšava), Rasija (Maskva, Sankt-Pieciarburh, Uładzivastok), Rumynija (Bucharest), Sierbija (Białhrad), Słavakija (Bracisłava), Ukraina (Kijeŭ), Francyja (Paryž), Partuhalija (Lisabon, Madryd), Manaka (Monte-Karła), Čechija (Praha), Šviejcaryja (Biern), Estonija (Talin).
Kuratarami vystavy źjaŭlajucca suaŭtary idei prajekta: łaŭreat Dziaržaŭnaj premii Respubliki Biełaruś prafiesar Viktar Alšeŭski i pasoł Biełarusi ŭ Francyi Pavieł Łatuška.
Ministerstva zamiežnych spraŭ pryniało ahulny patranaž nad hetym prajektam. Jaho taksama padtrymaŭ Minski haradski vykanaŭčy kamitet. Arhanizacyjnuju padtrymku vystavie akazvajuć pasolstvy Biełarusi ŭ krainach Jeŭropy i Azii. Pastajannaje pradstaŭnictva Biełarusi pry JUNIESKA prapracoŭvaje mahčymaść patranažu nad prajektam hienieralnaha dyrektara JUNIESKA.
Kancepcyja vystavy praduhledžvaje mahčymaść jaje ekspanavańnia tymi haradami, adkul prybuduć raboty. Realizacyja prajekta padkreślić viadučuju rolu Biełarusi ŭ spravie pabudovy maksimalna šyrokaj kulturnaj prastory, jakaja abjadnoŭvaje krainy i narody Jeŭrazii, ličać u pasolstvie Francyi.
Kancepcyja «Vialikaj Jeŭropy ad Lisabona da Uładzivastoka» naležyć prezidentu Francyi Šarlu de Holu, jaki maryŭ ab stvareńni «ahulnajeŭrapiejskaha doma». U svajoj histaryčnaj pramovie ŭ 1959 hodzie ŭ Strasburhu prezident Francyi Šarl de Hol zajaviŭ: «Tak, usia Jeŭropa ad Atłantyki da Urała budzie vyrašać losy śvietu!» Hałoŭnaj idejaj źjaŭlałasia imknieńnie da pabudovy miru na kantyniencie.
