Łukašenka stvaryŭ Biełaruskuju nacyjanalnuju bijatechnałahičnuju karparacyju
Ukaz «Ab arhanizacyi vysokatechnałahičnaj ahrapramysłovaj vytvorčaści poŭnaha cykła» padpisaŭ 8 žniŭnia Alaksandr Łukašenka.
Pavodle źviestak pres-słužby prezidenta, dakumient praduhledžvaje realizacyju vysokapryjarytetnaha, ekspartna aryjentavanaha i impartazamiaščalnaha inviestycyjnaha prajekta z budaŭnictvam zavodaŭ pa vytvorčaści lizinu, treaninu i tryptafanu, kambikarmoŭ, pierapracoŭcy nasieńnia alejnych kultur u Puchavickim rajonie, a taksama vykanańnie padprajekta «Ziemlarobstva» z metaj vyroščvańnia sielskahaspadarčymi arhanizacyjami zbožžavych, zierniebabovych i alejnych kultur.
U adpaviednaści z ukazam stvarajecca zakrytaje akcyjaniernaje tavarystva «Biełaruskaja nacyjanalnaja bijatechnałahičnaja karparacyja». Jana budzie zamoŭcam pa prajektavańni, budaŭnictvie i kamplektacyi abjektaŭ ahrapramysłovaha vytvorčaści.
«U vyniku buduć stvoranyja novyja vidy vytvorčaści, impartazamiaščalnaja pradukcyja (lizin, treanin i tryptafan), a taksama bolš za 1 tys. novych pracoŭnych miescaŭ, što zabiaśpiečyć dalejšaje raźvićcio Rudzienska (horad-spadarožnik Minska)», — adznačajecca ŭ relizie.