Piać faktaŭ pra psichałohiju bahatych ludziej
Vielmi niešmatlikija pradstaŭniki siaredniaha kłasa sapraŭdy razumiejuć myśleńnie bahatych ludziej. Časta kažuć, što bahaćcie — heta prosta ŭdały źbieh abstavinaŭ, što bahatyja hulajuć nie pa praviłach, što jany złyja, ehaistyčnyja i h.d.
Ale za hetymi śćvierdžańniami stajać sucelnyja emocyi, ličyć Styŭ Sibałd (Steve Siebold) — multymiljanier i aŭtar knihi «Jak dumajuć bahatyja» («How Rich People Think»), dla jakoj jon apytaŭ kala 1200 samych bahatych ludziej śvietu na praciahu apošnich 30 hadoŭ.
Bahatyja ludzi sapraŭdy dumajuć i dziejničajuć inakš. Nižej — 5 nievidavočnych asablivaściaŭ ładu myśleńnia bahataha čałavieka.
1. Bahatyja ludzi dobra pieranosiać dyskamfort
Bolšaść ludziej choča žyć u kamforcie. Fizičny, emacyjny i psichałahičny kamfort — heta hałoŭnaja meta isnavańnia siaredniaha kłasa.
Bahatyja ludzi, naadvarot, razumiejuć, što zarablać miljony niaprosta i što ciaha da kamfortu moža być dla ich razburalnaj. Jany vučacca pracavać i žyć u stanie pastajannaj niavyznačanaści.
Dla budučyni miljaniera całkam narmalna znachodzicca ŭ asiarodździ skiepsisu, cynizmu i inšych niehatyŭnych upłyvaŭ. I ŭsio ž tyja, u kaho dastatkova sił, kab vytrymać taki presinh, atrymlivajuć resursy dla niabiednaha žyćcia.
2. Bahatyja dumajuć pra budučyniu
Bolšaść z nas vyrasła, słuchajučy historyi pra staryja-dobryja časy, kali śviet byŭ dabrejšy, muzyka lepšaj, spartsmieny macniejšymi, a biźniesmieny — sumleńniejšymi. Hetaja tradycyja pieradajecca ŭ masavaj kultury z pakaleńnia ŭ pakaleńnie, choć padychod hety absalutna niasłušny. Zacyklenyja na minułym ludzi redka damahajucca pośpiechaŭ u biznesie i časta pakutujuć ad depresii.
Bahatyja ludzi aryjentavanyja na budučyniu. Jany šmat čamu vučacca ŭ minułaha, ale marami źviazanyja z zaŭtrašnim dniom. Miljaniery stanoviacca takimi, tamu što hatovyja pastavić usio na kon i realizoŭvać svaje mary, mety i idei. Mnohaje z taho, što jany płanujuć, moža čakać svajho času hadami i navat dziesiacihodździami, ale mienavita hetyja idei i farmujuć budučyniu.
3. Bahatyja upeŭnienyja ŭ sabie
Bahatych pastajanna ŭjaŭlajuć admoŭnymi hierojami. Adzin z samych raspaŭsiudžanych jarłykoŭ, źviazanych z bahatymi ludźmi — heta toje, što jany nachabnyja i hanarystyja.
U rečaisnaści ž paśpiachovyja ludzi ŭpeŭnienyja ŭ sabie tamu što ŭvieś čas ryzykujuć i redka byvajuć rasčaravanyja. Navat kali jany cierpiać niaŭdaču, jany vučacca na pamyłkach i viartajucca ŭžo z hetym vopytam za pieramohaj. Heta nie vysakamiernaść, a chutčej samanadziejnaść ŭ najlepšym značeńni hetaha słova.
Bahatyja ludzi vałodajuć nie paduładnaj strachu śviadomaściu, što dazvalaje im ruchacca da taho, čaho jany chočuć, a nie ŭciakać ad taho, što im nie treba. Časam hetaje asablivaje myśleńnie dazvalaje im padvoić i navat patroić svoj kapitał. Narešcie jany pačynajuć vieryć u toje, što zdolnyja na što zaŭhodna, i heta stanovicca ich žyćciovaj ustanoŭkaj.
4. Bahatyja ŭsprymajuć hrošy jak svabodu
Adna z samych raspaŭsiudžanych pamyłak nakont bahatych zaklučajecca ŭ tym, što jany hanaracca svaim statusam. Niahledziačy na toje, što hrošy sapraŭdy nadajuć čałavieku niejki status u hramadstvie, jany chutčej ŭsprymajucca jak instrumient asabistaj svabody.
Niemahčyma być pa-sapraŭdnamu volnym, nie majučy dastatkovych hrašovych srodkaŭ. Siaredni kłas padkantrolny rynku pracy, dziaržavie, a taksama inšym instytucyjam, jakija dyktujuć, što rabić, a što — nie. Vielmi składana być svabodnym, kali prychodzicca dumać pra vypłaty pa kredytach.
Bahatyja ludzi mohuć dazvolić sabie adstojvać lubyja čałaviečyja svabody. Im nie treba pracavać u škodnych dla zdaroŭja umovach, ciarpieć žudasnaje načalstva dy inšyja niepryjemnyja situacyi. Taksama z dapamohaj hrošaj jany mohuć upłyvać na pracesy — ładzić dabračynnyja aŭkcyjony i pryjomy i źbirać srodki na vysakarodnyja mety.
5. Bahatyja pieraborlivyja, kali havorka zachodzić pra siabroŭ i partnioraŭ
Bahaciei lubiać mieć znosiny ź inšymi bahaciejami, heta fakt. Mnohija paśpiachovyja ludzi adznačajuć, što čužy śvietapohlad zaraźlivy. Tamu častyja znosiny z bahatymi i paśpiachovymi ludźmi zdolnyja rezka pavialičyć ŭzrovień vašaha dachodu. My stanovimsia padobnyja na tych, z kim majem znosiny. Pieramožcy pryciahvajuć pieramožcaŭ.
