Andrej Chadanovič: Madyjano – piśmieńnik surjozny, trahičny. Absalutna razumieju vybar Nobieleŭskaha kamiteta
«Vybar Nobieleŭskaha kamiteta byvaje niečakanym. Niečakanym nastolki, što imia čarhovaha łaŭreata daznaješsia tolki ŭ dzień abviaščeńnia. U vypadku z Madyjano – heta nie taja situacyja», - kaža prezident Biełaruskaha PEN-Centra Andrej Chadanovič.
«Z tvorčaściu Patryka Madyjano ja znajomy daŭno, čytaŭ niekalki jahonych ramanaŭ. Nie mahu skazać, što heta moj ulubiony sučasny francuzski piśmieńnik. Ale heta toj aŭtar, jaki maje zasłužanuju reputacyju, svoj tvorčy šlach. Dobra pamiatajecca jahony raman «Dora Bruder» pra los małoj habrejskaj dziaŭčynki ŭ hady niamieckaj akupacyi. Francyja padčas akupacyja – heta adna ź jahonych hałoŭnych temaŭ.
Madyjano – piśmieńnik surjozny, trahičny. Jon zdolny padymać viečnyja maralnyja temy, čaplać čytača. Absalutna razumieju vybar Nobieleŭskaha kamiteta. Heta nievypadkovy piśmieńnik. A jahonaje ŭšanavańnie Nobielem pojdzie na karyść nie tolki aŭtaru, ale i čytaču».
