Što biełarusy viazuć z Polščy?
Paddaŭsia ahulnaj chvali i adpraviŭsia pa zakupy ŭ Biełastok. I nie praličyŭsia. Praŭda, daviałosia za heta raspłočvacca svaim časam.
My vyjechali ŭviečary ŭ čaćvier na svaim aŭto. Mierkavali, što budzie mienš mašyn na miažy. Pamylilisia. Kali pryjechali ŭ punkt propusku Bierastavica, tam stajała čarha z 60 aŭto. Kab prajści kantrol abapał, daviałosia čakać 4 hadziny. Praŭda, pa darozie nazad na Babroŭnikach sabrałasia 111 mašyn. Stajali 9 hadzin. Dziela čaho ŭsio? Kab aščadzić hrošy.
Paśla prachodu biełaruskaj mytni možna zajechać u Duty Free. Tam ałkahol, jaki ŭ samoj Biełarusi znojdziecca pa značna vyšejšych cenach. Tak, litr brendzi «Mietaksa» kaštuje 11,9 jeŭra (164500 rub.). Litr tekiły «Sierra» — 12 jeŭra (165850 rub.).
My jechali ŭ Biełastok za trymierami (motakosami), dziciačaj kalaskaj, padhuzkami, kavaj. Heta była prahrama minimum. Astatniaje — pa vybary.
Adrazu skiravalisia na Fasty — aptovy načny rynak. Zatym u kramy «Dełpi», «Ašan», «Leroj-Mierlin» i ŭ kancy — na rečavy rynak.
Fasty. Siudy my pryjechali a 5 ranicy. Pałova kramak užo nie pracavała. Tut pradajuć sadavinu, harodninu, kavu, čai, paraški i padobnaje. Afarmlajuć VATy (viartańnie padatku) nie ŭsie. Dzie jany jość, tam cana krychu vyšejšaja.
Kava «Lavazza Espresso» (250 hr) — 14,5 złotych — 48150 rub.
Kava «Lavazza Crema Gusto» (250 hr) — 12,5 złotych — 41500 rub.
Kava «Tchibo Family» (500 hr) — 11,9 złotych — 39500 rub.
Šakaład z arechami (250 hr) — 6,5 złotych — 21600 rub.
Srodak dla pałaskańnia «Sofin» (2 ł, kancentrat) — 8,5 złotych — 28250 rub.
Srodak dla myćcia posudu «Fairy» (0,5 ł) — 3,8 złotyja — 12650 rub.
Padhuzki tut akazalisia pa minskich cenach, ceny na parašok byli nie nadta nizkija.
Skiroŭvajemsia ŭ «Dełpi».
Padhuzki «Bebi draj 4» (89 štuk) — 52 złotych — 172600 rub.
Kava «Lavazza Espresso» (250 hr) — 13,2 złotych — 43850 rub.
Kava «Jakobs Krönung» (500 hr) — 15 złotych — 49800 rub.
Parašok «Persil» (5 kh) — 32,5 złotych — 107900 rub.
Dalej — «Ašan». A 7 ranicy jon užo pracuje. Praŭda, abmieńnik tolki z 9.00. Tavaraŭ šmat, jak i ŭ minskich hipiermarkietach. Ale my jechali z metaj — sekanomić. Tamu vybirajem tolki toje, što sapraŭdy tańniejšaje.
Bodzi dziciačyja z daŭhim rukavom — 6,99 złotych — 23200 rub.
Bodzi dziciačyja z karotkim rukavom — 5,99 złotych — 19900 rub.
Srodak dla myćcia posudu «Fairy» (1 ł) — 4,99 złotych — 16600 rub.
Matrac nadzimny — 22,98 złotych — 76300 rub.
Žanočyja basanožki — 20 złotych — 66400 rub.
Jahady Hodžy (1 kh) — 42,9 złotych — 142400 rub.
Zusim pobač «Leroj-Mierlin». Tut nas cikaviać trymiery. Vybirajem kitajskija bienzinavyja.
Harder BC520/S (1,2 kVt) — 398 złotych — 1321000 rub.
Harder BC415D/S (0,9 kVt) — 246 złotych — 816500 rub.
Kala 13 hadziny pryjechali na rečavy rynak (adčyniajecca a 5 ranicy). Tut cikaviła najpierš dziciačaja kalaska.
Marsel Classik (3 u 1) — 850 złotych — 2821150 rub.
Praŭda, na kalasku nie afarmlali vaty. U supraćlehłym vypadku cana na jaje była b značna vyšejšaj. Ale ŭsio adno tańniej, čym u Biełarusi.
Džynsy mužčynskija — 75 złotych — 248950 rub.
Štany mužčynskija — 65 złotych — 215750 rub.
Džynsy žanočyja (nie moładzievyja) — 60 złotych — 199150 rub.
Rondal kieramičny — 50 złotych — 165950 rub.
Sušyłka dla bializny — 15 złotych — 49800 rub.
Čajnik — 50 złotych — 165950 rub.
Patelnia marmurovaja z nakryŭkaj — 55 złotych — 182550 rub.
Kašula mužčynskaja z karotkim rukavom — 55 złotych — 182550 rub.
Pa darozie nazad, kali stajali ŭ čarzie, abyšoŭ usie mašyny, kab pahladzieć, što ž ludzi viazuć. Televizary, rovary, pralnyja mašyny, paraški, batarei. Byli navat unitaz i ŭpakoŭka tualetnaj papiery.
A što ź miasam? Na miasa ja navat nie hladzieŭ, pakolki jaho pravozić u Biełaruś nielha. Chacia niechta i ryzykuje.
Što ž my sekanomili ŭ realnaści? U Biełarusi ja adšukaŭ takija ž rečy albo padobnyja pa kamplektacyi\paramietrach pa nastupnych cenach.
Trymier (0,9 kVt) — 1133000 rub.
Trymier (1,2 kVt) — 1287000 rub.
Kalaska dziciačaja — 3612000 rub. (350 dalaraŭ).
Džynsy mužčynskija — 350000 rub.
Jahady Hodžy (1 kh) — 600000 rub.
Sušyłka — 182000 rub.
Padhuzki (99 štuk) — 289900 rub.
Kava «Lavazza Espresso» (250 hr) — 80000 rub.
Patelnia marmurovaja z nakryŭkaj — 270000 rub.
Parašok «Persil» (4,5 kh) —144480 rub.
Bieskantaktny termomietr — 390000 rub.
Matrac nadzimany — 316000 rub.
Pakolki amal usiudy afarmlalisia vaty, to 17 pracentaŭ viernucca ŭ kišeniu pry paŭtornym naviedvańni Polščy. Jechać ci nie ŭ Biełastok na zakupy, kožny vyrašaje sam. Adnaznačna, što ceny tam nižejšyja.
