The Beatles Shabli sabraŭ bolš za dźvie tysiačy čałaviek

Jaho naviedali bolš za dźvie tysiačy miełamanaŭ.

Trapiŭšy na terytoryju chutara, hości fiestyvalu akunulisia ŭ atmaśfieru vialikaha kirmašu. Na draŭlanych padmostkach prafiesijnyja tancory ruchalisia pad rytmy rok-n-rołu, zredku prymajučy da siabie naviednikaŭ. Vakoł impravizavanaj małoj sceny raźmiaścilisia handlovyja šerahi z roznymi aksesuarami ručnoj pracy, trochi dalej — indyjskaja krama, dzie pradavalisia viehietaryjanskija buterbrody, indyjskija łasunki z suchoha małaka i sadaviny, harbata z małakom, piša BiełaPAN.

Na inšym kancy chutara instruktar vučyŭ achvotnych technicy johi, a siabry kłuba brazilskich tancaŭ pryvablivali haściej pakazalnymi numarami kapaejry i vučyli karnavalnym rucham. Pobač pad naviesam raźmiaściłasia kaljannaja.

Tysiačy miełamanaŭ raźmiaścilisia na schile, la padnožža jakoha była ŭstajałvanaja asnoŭnaja scena. Za fiestyvalny dzień na joj vystupili biełaruskija kalektyvy Artefact, The Apples, Real Jazz Band, a taksama hości Puttin `On The Beatles Style (Sankt-Pieciarburh, Rasija), The Bestbeat (Sierbija) i chedłajniery — žanočy kavier-hurt The Beatelles ź Livierpula (Vialikabrytanija). Nie zmahli svoječasova dabracca z Maskvy muzyki minskaha hurta The Toobes.

Rytm-hitarystka The Beatelles Ketryn Kuk adznačyła, što kultavy brytanski kalektyŭ The Beatles pakinuŭ muzyčnuju spadčynu, jakaja da hetaha času robić upłyŭ. «U Vialikabrytanii na fiestyvalach, pryśviečanych „Bitłz“, źbirajecca moładź, staryja, zusim maleńkija dzieci, — skazała Kuk. — „Bitłz“ — heta muzyka dla ŭsich, heta muzyčnaja spadčyna, što zrabiła vialiki ŭpłyŭ na ludziej i praciahvaje rabić da siońnia. Słovy i muzyka ich piesień prosta cudoŭnyja».

Dzielačysia ŭražańniami pra biełaruski fest, pryśviečany jaje znakamitym ziemlakam, muzyka skazała, što jon «uzrušvaje»:

«My nikoli raniej nie hrali na vyjaznym fiestyvali. Kali my vystupali, publika fantastyčna reahavała i adkazvała nam. My viesialilisia razam ź imi i atrymali vielizarnaje zadavalnieńnie ad vystupu».

U Livierpuli, pavodle słovaŭ hitarystki, takija fiestyvali prachodziać štohod, u toj čas jak u Biełarusi heta adzinkavaja padzieja. «U nas rasstaŭlajuć mnostva kancertnych placovak pa ŭsim horadzie, na jakich usio heta adbyvajecca. Hurty hrajuć z 23.00 da 6.00 štodnia ciaham tydnia. Takija fiestyvali za tydzień źbirajuć vielmi šmat narodu», — skazała Ketryn Kuk.

BiełaPAN

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0