«My vyjdziem ščylnymi radami» — novaja viersija ad prajekta Zenon
Prajekt Zenon prapanuje novaje pračytańnie himna BNR.
Udzielniki prajekta «Zenon i kampanija» dasłali ŭ «NN» novuju viersiju himna «My vyjdziem ščylnymi radami». U pieśni amal całkam źmianiłasia miełodyja, i dadaŭsia prypieŭ — «Žyvie Biełaruś!».
«Niejki čas tamu ŭ internecie adbyłasia vialikaja dyskusija na temu, jakaja pieśnia pavinna być himnam Biełarusi? — tłumačać udzielniki prajekta. — Byli roznyja mierkavańni i prapanovy. Ale ŭsio skončyłasia na hałasavankach i bałbatni, bo nichto ž nie pajšoŭ u muzyčnuju studyju i novaha himna nie zapisaŭ. Tady my tut sabralisia, my — heta Zenon i kampanija, bo Zenon — heta asoba i prajekt u adnoj postaci, i zrabili novuju viersiju himna BNR».
Dla paraŭnańnia — kananičny varyjant himna ŭ vykanańni Valžyny Ciareščanki.
Ci padabajecca vam novaja viersija, šanoŭnyja čytačy?
