Inicyjatyva «Spravavodstva pa-biełarusku!» zaklikaje futbolnyja kłuby karystacca rodnaj movaj
Napiaredadni čempijanatu Biełarusi pa futbole, jaki pačniecca 30 sakavika, hramadzianskaja inicyjatyva «Spravavodstva pa-biełarusku!» źviarnułasia da futbolnych kłubaŭ z prapanovaj pašyrać vykarystańnie biełaruskaj movy.
Aktyvisty prapanujuć kiraŭnictvu kłubaŭ pisać pa-biełarusku proźviščy hulcoŭ na spartyŭnaj vopratcy, pravodzić na rodnaj movie hukavoje i vizualnaje supravadžeńnie matčaŭ, a taksama pres-kanfierencyi, stvaryć viersii sajtaŭ kłubaŭ na biełaruskaj movie.
Jak paviedamiŭ kaardynatar inicyjatyvy «Spravavodstva pa-biełarusku!» Ihar Słučak, futboł u Biełarusi — heta sport, jaki pryciahvaje mnohich ludziej, upłyvaje na farmavańnie patryjatyčnaha składa charaktaru, lubovi da radzimy, abjadnoŭvaje narod — biełarusaŭ, rodnaja mova jakich — biełaruskaja.
«Realizacyja našych prapanoŭ nie paciahnie vialikich materyjalnych vydatkaŭ z boku kłubaŭ, ale dazvolić pavysić patryjatyzm siarod biełarusaŭ, pašyryć vykarystańnie rodnaj movy, pavialičyć cikavaść da čempijanatu», — ličyć kaardynatar hramadzianskaj inicyjatyvy.
BiełaPAN
Chočaš padzialicca važnaj infarmacyjaj
ananimna i kanfidencyjna?
Pišycie redaktaru
«Našaj Nivy» ŭ TH
