Галоўны інфекцыяніст Масквы дала парады пры заражэнні «амікронам»
Галоўны пазаштатны спецыяліст па інфекцыйных хваробах Дэпартамента аховы здароўя Масквы Святлана Смятаніна парэкамендавала пры першых прыкметах амікрон-варыянту каранавіруса піць шмат вады і прымаць гарачкапаніжальныя прэпараты.
У той жа час Смятаніна папрасіла ўстрымацца ад бескантрольнага прыёму антыбіётыкаў, піша РБК.
Паводле яе слоў, сімптомы «амікрона» падобныя да праяў ВРВІ.
«Пачатак захворвання, як правіла, суправаджаецца інтаксікацыяй і высокай тэмпературай, галаўным і мышачным болем. У гэтым выпадку неабходна выпіваць не менш за 2 літры вадкасці ў суткі, вымяраць тэмпературу цела тры разы на дзень і прымаць гарачкапаніжальныя прэпараты (ібупрафен, парацэтамол)», — распавяла інфекцыяніст.
Калі тэмпература, вышэйшая за 38 градусаў, трымаецца больш за тры дні, трэба выклікаць доктара.