Hałoŭny infiekcyjanist Maskvy dała parady pry zaražeńni «amikronam»
Hałoŭny pazaštatny śpiecyjalist pa infiekcyjnych chvarobach Departamienta achovy zdaroŭja Maskvy Śviatłana Śmiatanina parekamiendavała pry pieršych prykmietach amikron-varyjantu karanavirusa pić šmat vady i prymać haračkapanižalnyja preparaty.
U toj ža čas Śmiatanina paprasiła ŭstrymacca ad bieskantrolnaha pryjomu antybijotykaŭ, piša RBK.
Pavodle jaje słoŭ, simptomy «amikrona» padobnyja da prajaŭ VRVI.
«Pačatak zachvorvańnia, jak praviła, supravadžajecca intaksikacyjaj i vysokaj tempieraturaj, hałaŭnym i myšačnym bolem. U hetym vypadku nieabchodna vypivać nie mienš za 2 litry vadkaści ŭ sutki, vymiarać tempieraturu cieła try razy na dzień i prymać haračkapanižalnyja preparaty (ibuprafien, paracetamoł)», — raspaviała infiekcyjanist.
Kali tempieratura, vyšejšaja za 38 hradusaŭ, trymajecca bolš za try dni, treba vyklikać doktara.
